而家每日送单都会遇到啲唔同情况嘅事发生，虽然係噉，但总比成日屈喺屋企要好。最近钟意拍晚霞，每次外出做嘢时见到有晚霞都会停低车攞手机出嚟拍返两张。
今日跑单发生咗一件个人非常之咁唔好意思嘅事，因为慢慢熟咗跑单嘅流程同区内各个地方，所以琴日开始我就将接单上限设置成 3 单。就係因为噉，我有时送单上楼时另外嘅订单为咗避免丢失都会将商品放入后尾箱，送完之后再攞出嚟继续送下一单，然而今日又忘记从后尾箱度攞返个餐出嚟，当跑到下一个点时先发觉个餐上嘅汤洒咗一半出嚟。然后我就开始联系收货人准备协商赔偿事宜啦，点知打咗十几个电话都冇接。张单上边有标明送餐时要打电话或者拍门，电话冇人接，噉冇计喇，只好上去拍下门，到时门对门商量赔偿问题咯。但最后结果就係我上到去拍咗半好耐门都冇人应，奇怪。当时因为下一单就快要超时，于是我就拍照送达。然后係后台度留言说明情况，但直到收工都冇收到电话同信息，可能个客人觉得汤少啲都冇关系吧？又或者根本冇食个餐，因为佢训醒已经过嗮午餐时间，门口份汤粉早已经糊嗮咯。
总之呢个情况已经发生两次咯，以后一定要记得将啲餐攞返出嚟再继续送下一单。
今日一开张就畀张单飞咗出城区，呢边路唔熟，跑得特别难受。以后都係尽量冇接呢边嘅单，揾亖嚟。三个几钟先跑咗 14 单，更可怕嘅係，收入先得 54 蚊，做个屁咩。
今日鬼仔节，老婆嘅意思落班之后冇出去跑单，早啲返屋企。哈哈哈，老婆几时开始信呢啲嘢㗎？
上班时喺出面见到个天空准备出现晚霞，就攞部手机出嚟一顿拍，虽然自己嘅摄影技术依旧屎到不得了。不过自娱自乐嘅嘢，唔需要咁专业囉，讨好自己就已经足够嗮。
