一月一聚嘅时候到啦，呢次聚会轮到我主持，结果主场就饮鬼醉咗，失礼人。
今日自己超级勤力，跑单赚咗 98 蚊，不过话有一单违规，要扣我 10 蚊走，过命。加上越做发觉蜂鸟嘅单价真係低到令人发指，我而家都想转战其他平台咯。
又到一月一聚嘅时候，呢次轮到我主持。又要辛苦老婆大人咯，其实间我叫佢冇做得咁辛苦，我叫两个三文鱼拼盘，然后简单加几个小配菜应该就 OK 了。但老婆认为难得聚埋一齐，就认真做啲好嘢畀大家食，而且几个月先煮一次，辛苦啲都冇所谓。
呢次买咗两支牛大力人参浸嘅酒，上次大家饮咗之后一直话唔错，想继续饮，但当时威哥自己浸嘅酒最后两支都让咗畀我。之前听妹妹讲起威哥有个朋友一直有卖呢啲浸酒，于是呢次我决定买两支返嚟同班兄弟饮。酒依旧好饮，而且价格亦都唔贵，以后再唔使为聚会时饮咩酒而发愁咯。
唔知係咪因为太兴奋，结果今晚饮大咗，呕到七彩噉。讲出嚟都失鸠礼人，呢次唔知係咪因为冇提前饮酸奶加空肚饮酒嘅原因。不过佢哋都冇事，就我一个醉咗，证明自己酒量的确差。