决定跑埋今日之后就转其他平台，蜂鸟众包单价实在太低啦，简直唔当骑手係人。
终于忍无可忍，决定唔再跑蜂鸟众包呢个平台咯，单价实在太低太低，今日跑咗 13 单，好多单都係 2 - 3 蚊，舞鬼咩。
下昼跑单出咗去城区嗰边，就谂住去揾妹妹倾下计，点知过到去佢铺头先发觉铺头拉闸，人就唔知去咗边，打电话畀佢，竟然挂我电话，然后回咗个 「？」，唉……次次都係噉，有时候发觉呢个妹妹真係唔知点讲好。
係电梯度碰到楼上嘅邻居，因为佢仔仔同我囡囡同年，所以两家人经常一齐出去附近嘅湖边玩，比如搞下大食会噉。邻居一见就话点解我黑咗咁多，有乜计啊，日日出去跑外卖，晒到亖亖下。不过我都冇噉样答佢，就话前段时间去咗趟汕尾，所以晒到成个人黑嗮。