今日同事攞咗个摇杆返嚟玩，瞬间回忆涌上心头。之前就谂住买个嚟玩街霸 6，但睇中嘅摇杆要 600，太贵唔舍得，或者可以考虑一下该品牌嘅入门款。
今日落咗一日雨，中午果时想出去跑下单嘅，但冇谂到一行落楼下就开始落雨。而且一落就落足一个下昼，到快要去上班嗰阵时先慢慢开始停雨，认真过命，想话揾两分钱都咁难。
返去上班之后睇到有个同事攞咗个摇杆返办公室，一睇呢样嘢瞬间就满脑回忆。以前细个读书时经常跑去游戏机室度打机，唔对打嘅情况下，粒粒币都打通关，机室老板见到都怕。
同事嘅摇杆我试咗下，感觉个摇杆嘅杆位唔多准确，之前我都有喺抖音度睇过相关嘅摇杆，个品牌好似叫「拳霸」，以前一直想买返个嚟玩 Street Fighter 6，呢代嘅街头霸王的确值得一玩。
不过睇中嘅摇杆有啲贵，所以咁耐都唔舍得。不过今晚玩咗一下又勾返起我条瘾，哈哈哈。之前睇中嗰款係「拳霸Q4」，要成 6 张，真係买唔落手。我上官网睇咗下，有个低档嘅「拳霸N1」或者可以考虑一下。