想出去跑单，冇谂到仲要审核通过之后先可以。下昼上班时听到一个坏消息，人生无常，珍惜当下。唉……
今日刚刚准备出去跑单时先发现原嚟京东秒送想要跑单仲要经过管理人审核，审核通过之后先可以正常跑单。问咗一下，审核流程估计要一、两日。
既然冇得跑单，噉就做下锻炼啦。前几日日跑单，都冇跑过步，今日重新开跑，状态冇之前噉好咯。不过都好轻松噉跑完咗五公里，出身汗，人都精神返嗮。
返到办公室听到一个好突然嘅消息，以前嘅旧同事调到市之后，前两日出去做嘢时畀人用车撞亖咗。当时听到呢个消息心里一凸，毕竟以前同呢位同事喺同一个中队共事过，而且因为大家年龄差唔多，所以平时有啲交情。而家发生啲噉嘅事，着实可惜。当今社会嘅戾气实在太重啦，以后出去做嘢一定要保护好自己先得。