唉～，自己真係狗啊，咩情况都未了解清楚就喺度吠，搞到伤害咗妹妹。心情唔好嘅时候，其他衰嘢就会自自然痴埋嚟，所以平时一定要控制好情绪。今日人生第一次追尾人哋车尾，好彩只係轻微碰撞。
今日下昼同妹妹吵咗两句，然后上班时开车过饭堂食完饭返中队嘅时候一唔为意就追咗前面部车车尾，虽然话有保险报销，但係都阻咗前面个小姐姐同自己嘅时间。人就係咁衰嘅，只要衰开头就有条路，下昼就只係同妹妹吵咗两句，然后整个人心情都唔好，然之后衰嘢就会好自然噉痴埋来你度。
撞完车之后返到办公室继续同妹妹倾，结果最后又越倾越㷫。讲真，当时自己真係㷫过焫鸡，妹妹咩都收埋喺心入边唔讲出嚟，而我呢，只係想佢将啲嘢摊出嚟，有问题就大家一齐解决问题囉。但佢就係亖都唔肯讲，而我亦都感觉到佢有嘢收埋收埋。
唉，就係噉样，越倾越解决唔到问题，越倾就越伤害兄妹之间嘅感情。后嚟我同老婆倾咗下呢个问题，结果我畀老婆嘅一句话点醒咗，落班返屋企之后问咗一下老豆。我同老婆嘅猜测冇错，果然係我错怪咗妹妹，估唔到几年前老豆讲好嘅嘢一啲都冇兑现，唉～
有时候觉得自己真係好狗啊，乜柒都唔知就喺度乱噉吠。知道真相之后即时同妹妹 say sorry，希望妹妹可以原谅我呢个亖蠢。
