911 係咪已经成咗美丽国嘅恶梦啦？呢期有啲诸事不顺嘅感觉，唔通真係要去烧返个香、拜返个佛，求个心安？
晨七咁早就係揸Fit人群度睇到特朗普政治盟友被枪杀嘅报道，紧要到啊，美丽国係咪同 911 呢个日期杠上咗？次次一到 911 就出事，搞柒笑。
呢两日唔知係咪受咗旧同事出事嘅影响，搞到我成日觉得诸事不顺噉，琴日仲衰到追咗人哋尾添。今日出去做嘢又畀只老嘢激到扎扎跳，同佢讲道理，根本讲都讲唔通。
今晚上班时攞咗部小主机返单位，准备折腾一下，冇谂到开机之后无线网卡一直报错，无法连接开启 Wifi 功能。其实之前就出现过呢个问题，就算关机、重启系统都解决唔到问题。反嚟经过测试，如果出现呢个情况，要关机之后再将电源线拔咗再重新开机先可以解决。
讲真，当时买呢部小主机使咗唔少钱，而家都有啲后悔，主要係冇将呢台小主机嘅机能发挥出嚟，有啲浪费。查实自己咁多年嚟都有呢个毛病，经常唔按自己需求嚟买嘢，成日谂住战未来，往往就係因为噉样导致极大嘅浪费。以后一定要改正过嚟先得，唔可以再从蹈覆辙。