而家个中层领导有啲难搞，估计以后都冇乜好日子过。不过唔理佢，兵来将挡。玩紧《塞尔达传说·王国之泪》，五星推荐。跑京东秒送，单价比蜂鸟众包合理，但单少。
睇嚟只要有呢个中层领导喺度嘅一日，以后我都冇乜好日子过囉。之前有个同事提醒我一定要小心呢条友，我当时仲不以为然，冇谂到果然如同事提醒嘅一样，「反转肚猪就係屎」。不过认真谂咗下，使鬼惊佢咩，煮到埋嚟食就係喇。
玩咗一排《塞尔达传说·王国之泪》，果然如传闻一样，比前作要精致，且内容亦都丰富超级多，五星推荐。
不过而家自己玩游戏嘅耐性係越嚟越低，就算冇嘢做，斋坐喺度玩，自己亦都最多可以坚持两个钟，如果唔係条老腰顶唔住啊。
连续两晚落班之后都跑京东秒送，京东秒送单价比蜂鸟众包好，不过就係冇乜单。但係据观察，呢段时间嘅外卖单的确少咗好多。好唔好彩，跑京东秒送呢两晚都冇回头单返，送咗过飞水，然后自己开车返黄坑，如此一嚟，着实有啲坑。不过算喇，就当係兜风囉。