下昼同小广子出去笃波，呢次佢嘅状态冇我好，应该係因为佢成日想打杆法嘅关系。晚黑带咗弟弟出去跑单，虽然因为带住佢导致跑单效率变低，但让佢体验一下生活都係个唔错嘅选择。
下昼同小广子出去笃波，今日我嘅状态比较好，反观佢嘅状态就一般咯。据我观察出现呢种情况就係因为佢成日想打杆法，结果好多该入嘅球都冇打入。查实间以我同佢而家嘅技术等级，就打中杆就足够咯，最多最多加少少低杆同高杆，等技术上去之后再慢慢去练习加塞嘅走位。
晚黑带咗弟弟出去跑单，哈哈哈，只塞豆窿兴奋到不得了。我就想带佢去体验一下生活，所以今晚我都一直挑单嚟跑，跑咗好多单爬楼梯嘅单，亦都特意跑咗一单过小市嘅单，噉样可以等弟弟欣赏一下北江河嘅夜景，吹下江边嘅风。
虽然因为带住弟弟跑单嘅效率变得好低，但係等弟弟体验一下生活都係一件好事嚟嘅。