揾食艰难啊，自从跑单之后自己嘅机车梦又死灰复燃，哈哈哈，不过以前谂住买巡航车，而家就简简单单整部 125 踏板就够嗮咯。
今日食完午饭就出咗去跑单，个人觉得运气唔错，每个钟都有二十几蚊收入，而且整体亦都唔算好辛苦。跑咗三个钟多啲啲有 76 蚊进账，满足。
自从跑单之后唔知点解又突然想买部 125 嘅踏板，一係用嚟跑单，二又可以了结我嘅机车梦。虽然话 125 嘅踏板偏家用，但 11 号嗰日我都有讲到，以后买乜嘢都要考虑实用性，性能过剩最终只会导致浪费。我之前想买 TR300 嚟实现自己嘅机车梦，虽然话 300CC 唔算乜嘢大排量，自己应该可以驾驭得到。但係呢台巡航车查实几大部下，开出去想钻下车缝估计都有啲难度，一啲都唔灵活。最重要嘅係，载人载物都冇办法同平踏板比。而家呢个大环境之下，买部摩托车过好生活比买部摩托车扮鬼要重要得多。
不过我而家都冇谂住即时买，等我跑单赚够买车钱先再去考虑。而家考虑嘅轻骑铃木 UY125 新款价格自己亦都唔係好满意，所以勤力揾车先係最重要嘅。