呢个社会真係让人无语，而家啲塞豆窿原本就卷到不得了，而家畀佛山嗰个家长搞一搞之后，普通家庭嘅细路以后仲加难上加难，唉。
新嘅一周又开始咯，时间过得真係快，加上日子一日又一日噉不断重复，可能呢啲就係生活嘅本质啩。
呢期两只化骨龙嘅班级家长群都炸咗锅，成日喺度讨论教辅呢个问题，尤其係仔仔嗰班，以前家委组织帮打印嗰阵时就有家长喺度整色整水，而家好啦，啲家委个个都唔敢主动去承担之后，学校又明令禁止。听同事话佢哋班有家委组织打印，结果有人笃咗畀学校领导知，卒之个家委畀校长约咗去谈话，样都衰埋。
讲真，搞到今时今日噉，真係多得佛山嗰家长。大佬啊，你屋企环境好，有专人一对一去辅助你个塞豆窿，但係你呢张一纸万字状害咗几多普通家庭你又知唔知？
呢个社会就係咁残酷，以前学校 17 点放学，结果上边话要减负，于是变成 16 点放学，但后嚟学校认为 16 点啲牛马未落班，接唔到啲学生放学，于是就决定开启课后托管。最终就係，啲学生依然係 17 点放学，一啲都冇变。但所谓嘅课后托管需要交费，所以变咗嘅係啲家长嘅银包。
呢一波操作真係令人佩服得五体投地。