东京秒送骑士上嘅活动今日正式开始，于是自己变到超级勤力，哈哈哈，一日就完成咗活动嘅一半要求。
今日京东骑士嘅装备活动正式开始，于是琴晚落班之后我就开始进入疯狂跑单模式，乜鬼单都照接，结果一跑就跑到凌晨三点。
期间有个同事打电话过嚟，佢都有跑单，而且佢仲係京东秒送骑士清远地区嘅其中一个站长，查实间我早就知道佢係站长，如果当时决定跑京东前揾佢带一下的确会轻松啲。但係我一直都唔係几钟意同呢个同事打交道，所以当时自己注册时冇同佢哋打声招呼。
今日全日跑咗 21 单，收入 100 大洋，唔係好多，毕竟而家真係冇乜单，基本上都係单飞，一粒钟大概就跑 3-4 张单左右。今日一日跑咗 21 单我觉得都已经好极限咯，市场环境实在太差，抢得到咁多单都已经证明自己好勤力㗎喇。仲有 19 单添就可以领返之前买头盔、衣服、外卖箱嘅钱，加油吧，争取呢两三日搞掂，因为睇天气预报话准备有连续几日嘅雨水天气，反正一落雨就唔跑咯，毕竟安全第一。