今日将啲 Apple 设备系统全部升级到最新版，有好有唔好咯，不过应该都係未习惯啫，用多一排应该就会好好多。喺抖音度睇到讽刺小米嘅视频，唉，而家嘅国产品牌真係要改下啦，净係舞埋舞埋啲唔等使嘅。
今日少单到冇人有，我十二点几出去跑单，差唔多下午四点先收工，结果最终只係跑咗 9 单，仲要有 3 单超咗时，好彩呢三单都係免罚，如果唔係嘅话就白跑咯。以后都係冇一下接咁多单先得，一嚟自己辛苦，二嚟肯定会超时。自己兼职咋，何必搞到自己咁辛苦先得嘎。
今日将自己手上嘅 Apple 设备系统都升级咗，讲真，暂时嚟讲，我觉得 iPhone 同 Apple Watch 嘅 UI 冇以前精致，可能未习惯啩。但 macOS 嘅 UI 睇起身就舒服好多， 奇怪。系统嘅流畅度有咗一定嘅提升，至于 iPhone 同 Apple Watch 嘅耗电情况我就冇乜点去留意，反正我觉得都差唔多，iPhone 16 Pro 初始系统嘅耗电先叫一个差，反正后嚟系统升级之后我觉得电池禁用咗。
喺抖音度睇到条讽刺小米嘅视频，皆因小米跳过数字 16 直接发布「小米 17 系列」。唉，唔知点讲好，我觉得而家好多国产品牌净係谂住用啲旁门左道，使唔使做得咁出面啊？做车亦都一样，而家嘅车企真係冇眼睇，一个二个喺度狗咬狗骨，利用媒体係度斗嚟斗去。烦，畀心机去做好啲车唔得嘅？