因为呢段时间烦心事实在太多，衰到连老婆生日都忘记咗。想话休假陪老婆过个生日，估计又呢样嗰样，遗憾。
今日老婆生日，我微信上有个「生日管家」嘅小程序，身边嘅人生日都会提示，但呢段时间因为要处理嘅事实在太多啦，实在係冇留意到微信上嘅提醒。中午准备出去跑单时睇咗一下日历，先谂起今日係老婆生日。
原本我计划晚黑请个假唔返去上班，喺屋企陪老婆简单过个生日。但因为台风「桦加沙」嘅关系，单位取消咗所有人嘅休假。虽然台风已经过咗，但领导未到上级指示，所以都冇批我嘅休假申请。
冇计，于是谂住到时抽个时间返屋企陪老婆切个蛋糕囉。点知今晚一下子嚟咗七、八份工单，最衰嘅就係有一个联合行动。
冇嗮办法，只能叫老婆留返块蛋糕我落班之后食。