国庆假期第一日，为咗跑美团众包嘅专属签到奖跑到部电鸡都冇嗮电咯。虽然噉咋，收入真係唔高咯，不过如果呢两日做完咗任务攞到啲奖励嘅话又唔係呢个讲法咯，粗略噉计咗下，如果跑完任务，奖金都有百几蚊。
不过跑咗两日美团，感觉单的确比京东多好多啊，可能係新手保护期啩，只要你肯跑，基本上唔会停。虽然单价比京东低，但胜在呢段时间好多活动奖励，噉样一对比之下，我觉得反而比京东仲要有优势。但係呢，跑美团因为唔停噉跑嘅原因，个人觉得都好攰下，哈哈哈，揾钱真係艰难。
晚黑同小广子出咗去笃波，换咗个新玩法，玩追分模式，几好玩下，虽然只係笃四个波，但係要按顺序嚟，所以对白波嘅走位有好高嘅要求。呢次笃波学识咗开波时炸飞个白波，开波效果比以前强太多咯。可惜今晚打嗰张台唔多靓，白波同目标球嘅走位、线路都好奇怪，下次唔可以再喺呢张台笃咯。