今日中秋节，然后就冇咗然后。唔知点解，而家对过节係越嚟越唔重视咯。可能係因为家庭原因啩，反正咁多年屋企都习惯咗简单。逢亲生日、过节，屋企人都不约而同噉一致认为要简单啲，久而久之就形成咗呢个观念。
晚饭之后同小广子出咗去笃波，整体嚟讲今晚佢嘅状态比我好，之但係因为本身我哋两个嘅技术就差唔多嘅，状态好时就赢多输少噉囉。
出发时弟弟係都要跟住嚟，但我谂到桌球室人多又杂，如果唔开单间嘅话，旁边好多人吸烟，弟弟喺呢啲环境度对身心都唔好，所以我坚决唔带佢去。点知只化骨龙唔知搞乜鬼，链地都话要跟住我出去，老婆唔帮手氹就算喇，竟然仲要喺一边扇风点火，激亖。