今日老婆请咗半天假，因为下午要同邻居过去行政服务中心办过户，整个过程都好顺利，得益于邻居有个做房地产经纪嘅弟弟。办完手续之后就等银行放款咯，呢次变卖物业令屋企全部人都成长与改变咗，当然係向好呢方面去改变喇。一家人有商有量嘅感觉的确几好囉，以前同老豆点都倾唔埋，呢次两仔爷倾咗好多，亦都令到彼此之间多咗了解。
一开始我嘅计划係卖咗间旧屋嘅，好彩老妈一语点醒咗我。老妈讲得好有道理，而家间旧屋有租客，虽然租得唔贵，但亦都叫有收入，一年也有成皮嘢收入，加上而家呢个租客个仔刚刚先入读咗旧屋附近嘅小学，按道理嚟讲，佢至少会租多五年。
如果而家卖咗间旧屋，价值也就二十左右，而且都唔知要卖到几时先出得到手。而而家卖呢只车位，完全冇收入且自身价值亦都非常低，以而家屋企呢个环境，短期内都唔会买车，就算买车，我个人亦都偏向油车，所以就算到时要用到车位都可以租一个或者学其他人一样随便停喺路边囉。而家卖咗车位之后就可以解决屋企临时急需用钱嘅问题，车位卖咗 66800，加埋两公婆之前存落嚟嘅十几万积蓄，勉强可以解决呢次危机。
钱呢家嘢，多有多使，少有少使，虽然话呢次清空咗积蓄，但我同老婆都好有信心会慢慢变好，毕竟而家一家人一条心。