运气唔错嘅一日，跑单虽然有啲攰，但与此同时亦都令到自己成长咗。呢个世间就係噉，咩事都应该双向嘅，冇话对与错，活在当下，做自己想做嘅嘢就已经足够喇。
今日跑单运气有啲好，万达嗰一趟距离唔远，但一趟有四张单，虽然有一张单超咗时，但半个钟一趟也有将近 30 嘅收入，算幸运㗎喇。下昼跑出清城也是，身上一直咩住三、四单，呢趟直接跑了接近 50，不过时间长啲，而且呢一趟最后一单跑咗去东城保利，虽然话回头单接咗张沙田水果批发市场嘅单，但係都空咗好耐车。
返单位值完班返屋企又接咗两张顺路单，最最最搞嘢嘅係老婆见我冇乜点食嘢，就问我要唔要食宵夜，点咗份外卖，然之后张单直接推咗畀我，哈哈哈。一顿操作之后，一个汉堡，一个鸡肉卷，一份鸡块，一杯可乐，先消费 3.4，抵到烂。