呢两日啲中层领导唔知点解突然间变得好鬼积极，有嗰句讲嗰句，早就应该噉样喇。身为领导唔身先士卒讲得过去么？唔通旨意我哋呢啲二打六去冲锋陷阵么？
虽然话噉样一嚟会忙到鬼噉，但係事情都係双向嘅，班友仔平时见我哋唔做嘢，嚣张到亖，而家杀下佢哋嘅锐气都係一件好事嚟㗎。之但係而家时势就係噉，乜鬼都要讲求有温度，所以而家做嘢一定要揾到嗰个平衡点。总之一句讲嗮，打份工咋，安安稳稳，但求无愧于心就好。
落班之后继续出去跑单，估唔到接咗单送去老婆表弟屋企，哈哈哈，表弟老婆係我手上攞份餐时认出咗我，一副惊讶嘅样。我又唔觉得有乜嘢咯，落班之后出去做 part time 应该感觉到光荣，毕竟「劳动最光荣」。当然喇，呢个世界得个做嘅话永远都冇乜前途。