经过琴日正式加入小队跑单之后嘅洗礼，感觉自己对跑单有咗一个新嘅认识，亦都令到自己对跑单越嚟越上头。哈哈哈，小队有个当日跑单排名，琴日我收工时係排第二嘅，后嚟同小广子去咗笃波之后就冇关注咯。
同我一齐入小队嘅阿郑今日同我讲，琴日为咗要超过我，佢琴晚一食完晚饭就出嚟跑，跑到十一点几时终于超咗我。我听到佢讲呢番话觉得好好笑，哈哈哈，平时就觉得阿郑开始有啲颠戆丧，个个都话佢准备接阿陈嘅班，唉，服颈。
阿郑跑外卖跑咗好多年咯，三年有多，不过佢份人平时好鬼揗鸡，跑咗咁多年都话唔敢出清城、小市，只跑黄坑嘅单。讲真啊，平台有导航㗎，怕毛咩。一年都话怕，惊出到去揾唔到路。难怪平时同佢出车时，条友开车开下开下都会舂错路。