今日送餐嗰阵时出咗清城，见大厅冇乜单，于是就收咗工。谂住嚟都嚟咗囉，就去试驾一下摩托车啦。
一开始我係谂住试驾 Suzuki UY 125，点知去到济南铃木嗰间店嘅时候，啲员工全部都係喺度食紧饭，根本冇人招呼我。所以我一嬲之下就走咗，此处唔留爷，只有留爷处。
于是呢我又过咗去对面嗰间豪爵专卖店，睇咗一下架 AFR 125 同埋 UFR 150，讲真 UFR 150 并唔係好似网上传嘅咁丑样，现车睇落去都几靓仔下。当时我想试驾一下 UFR 150 嘅，但係唔知係咪因为豪爵嘅车卖得好啩？个销售都好似唔多乜积极，又或者见我嘅身世，觉得我买唔起啩？搞到最后我都係冇试驾到。服嗮颈！
冇计啦，最后唯有去五羊本田专卖店嗰度睇吓囉。一嚟到本田专卖店，个 Sales 就非常之热情，完全唔会好似豪作嗰个 Sales 咁样，狗眼看人低囉。喺度我亦都试驾咗近期非常之热门嘅 NWT 150，讲真啦，非常之惊艳。本田嘅发动机，果然係有啲料，平顺，动力又好，而且仲要非常之悭油。最最最重要嘅係 150 嘅平踏，实用性直接拉满，如果开呢架车出去跑单嘅话，简直拉风到爆。唯一嘅缺点就係太贵啦，最低配呢个价都可以接受，不过阉割咗啲我比较钟意嘅功能同埋配置。如果拉到最高配，价钱又嚟到万八，咁我又接受唔到囉。
唉，先冇谂咁多啦，勤力啲揾钱先至係最实际嘅，而家出嚟跑单揾嘅都係血汗钱，买嘢真係要谂清谂楚先至得啊。不过而家就嚟入冬啦，架电车到时跑单估计会好唔爽，天气一冷，电车充满电之后可以行驶嘅里程就会大大咁缩水。如果话要买一部油车嚟跑单嘅话，125 呢个排量係最合适嘅，毕竟 150 排浪嘅车身都几大下，城市穿行嘅话的确冇 125 咁方便。
今日突然间冻咗好鬼多，晚黑落班之后出去跑单冻到成只蕉仔咁，好彩前一排喺京东上边买咗件机车服同冲锋衣，件冲锋衣都几好嘅，防风又防水，实用。嗰件机车服昨起身有啲夸张，成个钢铁侠咁。当时东哥就係着住呢件机车服出嚟同我哋称兄道弟㗎啦。