今日好似往常咁中午嘅时候出去跑午高峰，结果喺出边等单等咗成半粒钟，只系接咗两张鸡单。呢个时候同书记倾偈，结果条友佢话我俾人踢咗出小队，当时我都懵嗮。帮我点入去小队嗰个界面时的确发现冇咗自己嘅名，于是我都认同咗书记嘅讲法，自己可能真系俾人踢咗出小队。
然之后我就开始揾人处理，结果托上托之后卒之加咗小队队长嘅微信，然之后一问先知道原来自己因为冇排班，所以小队排名嗰度先见唔到自己条名。简单咁设置咗一下之后，自己个名又重新出现喺排名嗰度啦。
越嚟越发现书记呢个人真系神神化化嘅，小小一件事过咗佢把口之后都变晒味，以后呢种人真系要尽量避而远之。