今日被迫同邓换咗班，皆因今晚要重阳值班，通宵嗰种，过嗮命。因为凌晨两点要到百步梯值守，所以按照原来嘅班次会好麻烦，于是就同邓对换咗班次，我上深夜班，佢上正常夜班。我对邓呢个人冇乜好感，佢平时太过奸诈咯，总以为自己好鬼叻噉，好多嘢只係人哋「看破不说破」咋，佢仲要唔知丑，叻唔切。经过琴日疑似被踢出小队事件之后，自己跑单嘅欲望都降低咗好多。唔知点讲好，就係感觉变得冇乜动力。特别係天气冻咗之后，部电鸡嘅续航越嚟越差，郁下就讲冇电，一冇电动力就锐减，导致跑单跑得超级唔顺畅。