今日写咗假单准备补休两日，主要係呢段时间自己有啲攰，其次就係想多啲陪下两只塞豆窿。晚黑落班之后同同事去咗烤鱼，呢次好多同事都参加，所以斋叫一条烤鱼嘅话明显唔够食，于是就叫多煲牛蛙。但就係因为呢煲牛蛙导致今晚嘅宵夜嘅体验差咗一半，一就係煲牛蛙明显就係预制菜，二就係个煲加热得唔够彻底，食起身啲味怪怪哋嘅。今晚同同事饮咗几支啤酒，好耐冇饮过囉，讲真，呢样戒嗰样戒之后，有时候越嚟越觉得自己积攒咗好多压力无处释放。加上呢排自己跑外卖跑到好攰，而家整个人都身心俱疲，真係要休息下先得咯。