今日休假第一日，原本想揾小广子出去笃波放松一下，结果小广子呢两日都要出去应酬。做生意嘛，冇办法，要同客户维护好关系就必须经常出去饮饮食食。
今日跑单整体放慢咗，不过都跑咗百三蚊，午高峰，晚高峰，宵夜档呢三个班都跑咗，大概六个钟左右吧，平均时薪依旧只要二十左右。系统算法算得亖亖的，一般众包仔估计都係差唔多呢个时薪价。
自从跑咗外卖之后，锻炼明显少咗，或者可以话基本上都冇乜点做运动咯。毕竟而家跑外卖后基本上每日都爬楼梯，试过好几次因为差唔多超时爬八楼爬到成身湿嗮。最劲嗰次呼吸急促到上气唔接下气，成个人感觉非常之唔好，喺嗰一刻自己甚至觉得快要亖噉。
怪唔之得而家网上咁多人讲「外卖骑手就係攞生命嚟送餐」，虽然自己一直以嚟都有遵守交通规则，但好多时候为咗唔超时，好多时候都要全速飞奔，有一晚就差啲摔车，而家谂返起都仲有啲后怕。