今日周六，正常嚟讲如果今日勤力啲去送餐嘅话收入应该会唔低，不过呢因为自己实在太攰啦，完全唔想郁囉，就中午嗰阵时出咗去跑咗两个半钟。晚黑去咗外父屋企食饭，原本想陪外父大人饮返两杯嘅，不过对上几日佢身体有啲唔舒服，尿道发炎导致发烧。今晚听佢讲佢当时已经烧到断片，事后自己都唔记得事情的经过。老人家年纪嚟咗之后身体就慢慢出现各种问题，屋企四个老人都係噉，冇计，人嘛，真係要认老。冇话佢哋啦，自己四十岁，而家身体相对几年前都差咗好鬼多喇。