今日小广子得闲，晚黑如往常噉食完晚饭就出去笃波，一笃就係四个几钟，腰都直，哈哈哈。
有时候发现自己同小广子都几较真下，咁耐以嚟同小广子出去笃波我都比较随意，可能亦都係因为噉呱，自己好经常处理一啲非常简单嘅球时都出现失误。呢方面小广子就比我要稳定得多，所以一般情况下都感觉经常都係佢赢多输少。
小广子为咗我每一球都认真去打，就谂到一个方法，计分。小广子好鬼马，一开始冇同我讲话要计分，打到一半先攞个计分牌出嚟，当时嘅比分我直接落后一半，6 比 12。我完全冇记，不过感觉小广子应该冇记错，因为前面佢的确比我打得好。
不过当小广子话要计分之后我感觉自己认真咗好多，每一盘都尽力去打，结果笃到凌晨十二点半收工时双方比分定格喺 19 平。小广子用计分呢个方法的确令到我认真去对待每一球，噉样先会有进步嘛。