估唔到呢次停更一停就停咗咁耐，原本以为自己买咗车之后会一得闲就骑车出去兜下风，睇下风景，结果呢，跑单冇以前勤力，而且亦都冇乜点样出去野。查实间自己一直想同老婆上八片山睇夜景，不过由于各种原因一直未能出发，原本上星期约好咗嘅，不过天气突然骤降，老婆就缩沙了。不过以后大把机会，亦都唔急于一时。
下昼一家四口去咗香海彼岸附近嘅湖边玩，环境比飞来湖好，故而好多家庭选择喺度露营，有啲甚至喺度烧烤，老婆甚至即时上网搜烧烤炉，睇嚟佢都想得闲可以一家四口到呢度 BBQ，感觉的确唔错。
晚黑同小广子出咗去笃波，呢个星期约得比较勤。最近我同小广子嘅状态都好好，前几日小广子打了一盘炸清，我哋两个第一次一杆清台，所以当时两个都非常激动。然之后对上两日我打咗两次接清，自己亦都解锁咗新成就，爽。