今日妹妹新屋入伙，于是就请咗日假，打算今晚同妹夫饮返两杯，贺贺佢。
月中时老婆失业了，讲真，压力真係几大下，毕竟我哋 80 后已经 36 - 46 咯，而家失业再想揾工真係一啲都唔容易。于是呢段时间我一落班都好勤力出去跑外卖，毕竟多啲啲收入都可以减轻一下压力。
不过琴日收到老婆好消息，面试成功，下周一到新单位上班。总算松咗口气～
下昼同外甥森记出去笃波，12:4，我差啲嚟多枪一 Q 清台，黑 8 冇入，可惜。
返屋企等两只化骨龙放学，玩手机时睇到只业主群好多业主喺度讨伐紧一个业主，原因就係因为呢个业主畀人偷咗个电鸡档风，然后喺度讲咗啲唔适当言论，带地区，结果就畀一群业主声讨，简直好过睇大戏。