重新开始写日记咯，就算日子过得几咁平淡，间唔中都有值得记录嘅点。
好耐冇更新咯，皆因次次都要推送到 Github 仓库，对于只係想简单记录日记嚟讲有啲麻烦。之前发现 Astro 更新，折腾嘅心重燃，于是就顺便多做一个工作流嚟去处理，用 Notion 嚟记录，其他工作就交畀工作流嚟完成。
喺强大嘅 AI 帮助之下总算顺利将个工作流完成咗，以后只要喺 Notion 上记录之后，工作流就会自动将其他工作自动完成，测试咗一下，的确比以前方便咗好多。
折腾代码时发现而家 Astro 嘅 Font API 如果使用中文字体时就会将样式内联到每个页面，噉样嘅话就会导致页面嘅 Size 变得好大，呢个方法唔係话唔好，只可以话各有各优势。但我查咗好耐文档，都揾唔到修改嘅方法就唔合理喇，至少可以畀我哋自己 Set 一下啊。不过又或者係我自己冇查清楚啩，反正我冇揾到方法。
呢两日单位发生咗好多事，导致啲领导日日开会。收到风好似係因为某领导因为作风问题受到内部处分，嫖一嫖搞到咁大阵仗，认真过命。
因天气关系再次攞咗台电脑返单位，好耐冇用过 Windows 系统，感觉好怪。所以话啊，“习惯”真係一个好可怕嘅嘢！以前啱啱开始用 macOS 时各种唔习惯，觉得苹果系统难用。而家呢，反转猪肚。