选择大于努力。
琴晚落班之后出咗去跑单，呢段时间外卖市场可以用「惨淡」两个字嚟形容，个个平台都将单价压到低到不能再低，即便係噉，平台上嘅订单都係见光秒。我真係服咗班「卷王」，两蚊鸡爬 8 楼都制，简直毫无底线。我唔愿意同佢哋卷，所以呢段时间基本上都冇乜点样去跑。然而我身边有两个同事加入咗卷王大军，日日出去跑到亖亖下先得几十鸡，我都唔明佢两个点跑得落去嘅。呢排嗰天郁下就落雨，我就见准时机出击，单价一升就整几张。就好似琴晚噉，轻轻松松一个钟就五十几鸡，之前听佢哋讲，呢个淡季，一个钟就二十左右。
晚黑去咗张记度食咗个牛杂煲，感觉味道冇以前咁正咗。尤其係啲秘制辣椒酱，好似冇以前咁辣咗，食起身冇咁爽。
最近一直喺度循环 Owen James 嘅歌，虽然明知係 AI 生成嘅，但冇计，正係我喜欢嘅风格。喺度再次感叹而家嘅 AI 强大。
又到清明假期，我至讨厌嘅呢个假期，童年留下嘅阴影咁多年过去依然深深影响住我嘅内心，对呢几日由心嘅抗拒感从未消减。唉，可惜就算係噉，我依然仲要回乡面对。烦~