一节淡三墟，清明假期送外卖迎来咗一波小爆单，呢几日我虽然只係简单噉跑咗一下，但收入都算比较满意。可惜好景不长，琴晚开始就明显感觉大厅上嘅订单开始骤降，我觉得主要係有两个原因，一就係啲卷王拜完山返咗嚟卷，二就係假期结束，学生党都返咗学校，冇人叫餐。毕竟点餐人群中，学生党占一大部分。
因为琴晚同龙龙饮酒饮到好夜下，今日中午都唔想起身出车，食完午餐之后玩咗下手机先上线睇单。大厅静到过命，结果第一张单就单飞，单飞都跑主要係目的地喺万达附近，毕竟喺嗰边容易抢单。不过京东真係狗，乱噉塞单，你话指派单我可以拒绝都算咯，完全唔经过我同意就直接将张单塞畀我，狗东，C。
拜山时畀蚊咬嘅地方开始肿，而且痒到过命，啲蚊实在太毒啦。4 号嗰日我做好咗防护，冇事。但 5 号呢日自己大意咗，结果左脚同双手都畀咬了。
上班时内勤问我参唔参加运动会，我拒绝咗，有一个同事话要参加，另一个亦都话唔想报名。去饭堂食饭时讲起呢件事，因为呢个运动会係区举办嘅，参加嘅人会係代表单位的，按照以往嘅经验，呢种运动会单位都会统一服装，因此参赛人员都会得到一套衣服，呢个时候另一个唔想报名嘅同事听到后就即刻扭軚，贪小便宜。
咁容易么？一睇到“择优参赛”呢四个字我就知道冇行喇，山高皇帝远，我哋呢啲畀人发配边疆嘅选得到么？