今日攞咗部车去保养，唔经唔觉已经开咗 5170 公里，个人觉得以自己嘅用车习惯嚟讲算係开得好频㗎啦。喺呢度吐槽一下车行，次次去保养都要等成粒钟，既然业务量咁大，好心就多开两个工位啦。平时就得两个师傅喺度做，今日仲衰，得一个师傅上工。全程花费 85 鸡，虽然唔贵，但我真係冇估到揸架摩托车平时嘅使费都会咁大，而家啲油费又贵到离谱，哈哈哈，加箱油成五、六十，基本三、四日就要加一次，都几过命下。琴晚冇休息好，主要係一边煲剧一边喺度折腾个书签卡片，调试咗好耐，自己都唔多满意。