下昼修整咗一下，刮咗胡须同铲咗头发，即时醒神嗮。
呢段时间都几烦恼下，主要係因为老婆失业了。而家呢个时势，想揾返份啱心水嘅工真係一啲都唔容易。不过我同老婆都冇谂到，呢次佢跳槽居然会跳咗落个坑度。原本老婆都几满意呢份工嘅，点知入职咗八日，院就以上头查得严，业务需调整为由而将老婆开除咗。就连医社保都未嚟得切买，当时我同老婆亦都大意咗，以为攞住院开嗰份离职证明就可以申请得到失业补助金。点知背后竟然有咁多坑，而家失业补助金领唔到，一时间亦都揾唔到合适嘅工作，老婆为此而烦恼。呢段时间我亦都咨询咗好几个朋友，顺便亦都拜托佢哋帮手睇下有冇适合嘅工作介绍，但边有咁容易啊。
晚黑上班时领导又请饮柠檬茶，无他，抵饮到爆，六鸡屎大大一杯，饮成晚都饮唔嗮。期间领导过咗嚟倾计，讲起而家嘅困境，然而倾咗成个钟，我最大嘅感慨就係，同样人一个，点解差距会咁大？唉~