琴日将一直使用嘅 LAX.AN4.Pro.PalmSpring 出咗，当时 DMIT 搞活动，我入手咗一台，90 刀一年。讲真，DMIT 嘅网络的确稳定，我用着都几满意。但係最近自己实在冇乜心思去折腾，所以呢台机器继续揸喺手都係浪费，因此把心一横决定出咗佢。冇谂到台机咁鬼值钱，溢价 600 几出咗。到此现在手上只有一台甲骨文同阿里云，虽然阿里云一年 99，我亦都唔准备续费，年底到期，到时再考虑主博客该何去何从。
上昼老婆去见咗两份工，晏昼食饭时听佢嘅意思觉得有机，算係个好消息，不过老婆觉得上班环境太差，所以而家心大心细攞唔定主意。的确嘅，工作环境就一个大铁棚底下，夏天连空调都冇，得部风扇仔吹，点顶啊？
下昼同广子出咗去笃波，最近我对桌球嘅热爱减咗好多，主要係呢段时间感觉太攰啦。实在冇更多嘅精力去练球，广子技术一直稳步上升，最近自己输得越嚟越多咯。不过呢啲正常㗎，付出同收获永远都係成正比嘅，佢花咗心机落去练，进步大先对得住佢嘅付出。