其实成年男人超容易满足，一支啤酒，一份烧烤，足矣。
台风要嚟咯，今晚多咗好多蚊，着返条长裤稳阵啲，要不然蚊仔咬到亖亖下。
唔知做乜鬼，小米台灯嘅无线控制器竟然黐𥹉𥹉，平时我就放埋一边，好少用。又冇嘢挨住佢，点解突然间就成个控制器都咁黐㗎？服颈，难道佢自己会渗啲胶水出嚟？
用除胶剂都搞佢唔掂，实在冇办法只好攞刀片去铲，麻鬼烦。
今日老婆去咗新嘅工作环境度上班，中午时佢就发信息过嚟表示唔适应。讲真啊，当时佢见完呢份工返嚟时我听佢讲咗下就觉得佢应该做唔落去的。不过当时我都冇劝佢，事实上畀现实敲打係我哋成年人嘅必修课，人唔碰下壁又点会更快地成长？所以当时听佢噉样讲我一啲都唔感到意外，刚刚又收到佢嘅微信，再次讲起呢件事。感觉到老婆有啲灰，甚至觉得自己好差劲，觉得自己乜都做唔好。同佢倾咗好耐，呢个时候我亦都唔知点样去安慰佢。只係不停噉表示自己永远都支持佢嘅选择。呢个时候选择权就交畀返老婆，我默默喺身边支持即可。成年人嘅世界就係如此之残酷。唉，希望老婆尽快恢复返斗志同信心吧！
经过一番思考，决定继续同老婆倾下佢嘅新工作。我担心老婆纠结呢件事，无形中不断内耗。我明显感觉到佢好纠结，内心上佢肯定唔想继续到新岗位度上班，但又担心唔好揾新工作，思想上一直喺“做与唔做”之间徘徊。我唔想佢咁样内耗自己，于是晚黑十点钟时打咗个电话畀佢，等于自己同佢揸主意咯。
既然环境唔适合，噉就果断啲。毕竟就算继续勉强自己挨到最后都未必可以坚持落去，倒不如将精力花喺揾新工作度。
经我噉样一讲之后，老婆好似的确谂通咗，好在今晚打咗呢个电话，要不然老婆一定会继续喺度纠结落去。