同老婆出去捞咗两日世界，哈哈哈，做到亖亖下。虽然过程好辛苦，但係个人感觉亦都係一个唔错嘅体验。
今日乜都唔想做，一直喺屋企发下憨豆，煲下剧噉。难得休闲咗一波，最近将自己掹得太紧啦，再唔放松一下对自己嘅身心都唔係好事。
前两日同老婆商量咗一下，我想趁住呢段时间同佢去广西玩一下，散下心。但老婆好似冇乜心情，当时因为喺路上开住车，所以我就冇继续劝佢。揾日再同佢倾下呢件事，反正佢呢段时间正处于失业期间，或者出去散过心返嚟结果会更好。
傍晚时好鬼嬲，弟弟啲脾气都唔知似边个，郁下就成只亖狗噉，老婆觉得佢最近一直睇电视，就叫我限制一下电视嘅使用。我翻咗全部设置都冇揾到可以限制嘅选项，于是我就谂到用路由器嚟限制机顶盒嘅网络连接，从而达到限制使用时长。写咗个脚本用 iptables 嚟将电视机顶盒嘅 Mac 地址同 IP 限制网络连接，当电视开机连网就开始计时，一小时后进行断网，再过一小时之后先可重新连接网络。经测试一小时之后的确断网了，但唔知点解，断网之后却无法重新连网，就算我手动将 iptables 嘅锁定删除都唔得。得闲再研究一下吧，皆因实在冇心情再继续折腾，畀弟弟搞到我嬲到爆，而家啲细路仔实在太恶搞。