晚黑收到一个令我好心痛同失望嘅信息，因为老婆好迟落班，然之后晚饭就需要老妈去煮。今晚姐姐因为参加咗足球校队嘅训练，导致放学之后好肚饿，然之后叫佢阿嫲早啲煮饭，结果呢，老妈竟然顾住喺度睇马经，叫极都唔郁一下，就由得两个细路饿肚，最后姐姐同弟弟食咗好几个老婆买嘅干粮面包嚟顶肚。
我听到呢个消息后差啲忍唔住打电话发恶，点忍心㗎？两个细路一直话饿，竟然顾住研究马经都唔煮饭畀佢哋食，天啊。呢两个係你孙嚟㗎，一日到黑唔係打麻将就係刨马经，屋企卫生，家头细务基本上唔理，平时懒到条蛇噉我都费事声㗎啦，而家我两公婆因为工作原因，要你煮两餐饭畀两个孙食都冇你刨马经重要？
唉，讲出去都丑啊，正所谓家丑不外扬，但我实在忍唔住要吐槽。因为呢件事，搞到我成晚都焗住啖气。