再一次长时间冇更新，呢段时间甚至连电脑都冇打开。今日端午节，唔想努力，只想躺平，陪屋企人食返餐饭。食完饭习惯性返房，前段时间买咗提生茶都冇乜点饮，今晚决定泡返杯叹下。
打开电脑，发现系统同一大堆软件都要更新，花咗粒几钟先更新好咗，主要係而家屋企嘅网唔好，千兆得返五百，唔知咩原因，缩水咗一半。加上外网节点唔给力，简直恶梦，喺 GitHub 上下载个软件速度直接变成 KB/s，冇眼睇。
今日同森记倾咗一下，但条友仔明显有啲抗拒，今朝凌晨整单噉嘅嘢，而家啲靓仔真係恶搞。唉，总之就激气啦。上星期先一齐饮酒，当时倾得好好，我仲以为佢好识谂，会锡佢妈咪，毕竟妹妹为咗佢同彤彤付出咗好多，点知今朝凌晨森记就激到佢妈咪扎扎跳。