时间过得真係快啊，真係唔经唔觉又过咗一个月，两只化骨龙亦都已经放咗暑假，呢段时间一直喺度搞弟弟个房间。孩子大个咯，係时候各自拥有属于自己嘅个人空间。之前佢哋仲细个时我将弟弟间房布置成咗电脑房，当年买设备时冇考虑到自己终将要归还个房间畀弟弟，搞到而家要抌好多嘢，原本计划掟去闲鱼度出咗佢嘅。结果发布咗成两星期都冇人问，废事搞咯，直接抌。
查实间弟弟间房最麻烦嘅係要重新油过幅墙，最近呢两年业主群度好多邻居反映近主卧冲凉房嘅墙面漆出现开裂现状，原因应该係反碱了，估计罪魁祸首係主卧冲凉房啲砂。我所在的户型基本上都中招了，虽然话屋企漆面开裂嘅情况唔严重，不过既然搬空，噉就索性打包处理埋佢。
世界杯决赛嗰晚聚餐，原本计划食完饭后再揾个地方几兄弟一齐睇决赛，结果食完饭就醉咗三个，过嗮命。反正自己点样畀佢哋送返屋企都唔记得，断片。
六个人饮五支，癫嘅。