今日返睇咗之前记录嘅日记，越睇越感触，嗰种感觉就好似一段段沉封咗嘅记忆被激活，记录的确係一个好习惯。毕竟人嘅记忆力係有限嘅，随住年龄不断增大，记忆力衰减得越犀利。而家自己好多时候一啲湿碎嘢经常扭转头就唔记得咗，唔到你唔认老。
暴风雨嚟之前嘅天气实在係太过闷热啦，离开室内一阵间衣服就湿嗮，虽然自己已经习惯咗，但係啲汗水识得腐蚀件衫㗎，而且啲夏装完全唔够，着嚟着去都係嗰两套，好心上边嘅抓紧啲办事啦。
网上讲听日嘅「红霞」会好劲，短信预警亦都收到咗。俩老头本嚟就计划好周末返落乡下搞好个小菜园，我同老妈讲咗一下台风听晚就登陆，返落乡下你哋都做唔到乜嘢。然而老妈仲係话要返落去，应该係佢哋认为要返落去做啲防护措施。