Notion 呢个 App 喺 Windows 度真係难用到亖，稍微更新咗一下版本咋，直接同我罢工，一个日记页面都打唔开，然后重启咗下电脑先得返咗，服颈。一开始我仲以为係网络问题，结果我开嗮魔法都唔得。
呢排自己开始懒怠，唔想外出骑行，唔想送外卖赚啲零花钱。一日到黑净係想训觉，你话攰咗，躺平休息一下亦都冇乜问题，但而家嘅问题係越训越攰嗰度亖呢。原本呢段时间自己就已经唔戒口咯，又饮又食又唔运动，体重呢段时间冇称过，不过我估计已经上返百六。晚餐时同老婆探讨身体机能呢方面的知识，皆因老婆最近手上嘅项目係关于尿毒症嘅，所以就讲起我同事每天都要做透析，听我老婆分析咗一下，我同事嘅情况相对还算乐观。查实佢仲好后生嘅，前几年为咗供屋搏嗮老命，结果一场大病直接将之前所有嘅努力抹杀。人啊，唔知点讲。