今日要带弟弟去拔牙，但係临天光时姐姐过嚟话自己耳鸣，佢话鼻塞，就去洗手间圣鼻，结果圣完之后就感觉耳朵有声音一直叫。我起身睇咗下，发现佢鼻入边有红肿，难道係鼻息肉肥大导致训觉讨唔到气？记得之前就因为耳朵去睇过医生，医生话耳朵冇问题，当时就冇谂到可能係因为鼻炎导致的。暂时冇计，睇下一齐可唔可以预约个号，帮弟弟拔牙时顺便咨询下医生。
当时为咗畀弟弟打气同埋观察姐姐耳鸣情况，结果由六点倾到八点，最后实在顶唔顺，就重新训觉，半个钟都好。一开始我仲以为两只化骨龙唔会训，点知我一讲完唔够两分钟就直接训着咗。
老婆定咗闹钟，到点后叫醒咗我哋，食完早餐后计划帮预约嘅，不过周日，点仲可以预约啊，早满咗。于是我哋就带弟弟一个人去拔牙，等嘅时间好鬼长，好唔容易轮到我哋，结果仲要有人插队，嬲亖。
弟弟啲牙是真的恶搞，之前仲话佢嘅牙比姐姐好，而家睇嚟当时我同老婆都係太天真啦。加上弟弟平时有乜嘢都收收埋埋唔愿讲，当然最大嘅责任都係我同老婆，平时冇留意到。
医生话最严重嘅係左边有一个牙生歪了，而家只能睇拔咗啲烂牙后生歪咗嘅牙会唔会重新生返正，咁样另外一只牙先有足够嘅空间生长，如果唔係嘅话到时两只牙就会生埋一齐，到时只能做矫正咯。