风浪越大鱼越贵。
最近刷到一条关于狂飙嘅视频，一开始就以强哥嘅风浪越大鱼越贵嚟开头。然之后，我就联想到呢两日嘅台风，因为一般台风嚟嘅时候，外卖嘅单价都会变到好高，正系出击揾大钱嘅时候。就攞美团嚟讲，廿六廿七廿八呢三日有一个活动，如果做满嘅话就有 458 蚊奖励，但系要做满个活动边有咁容易啊？资本边会死错人嘅？虽然话三日只系需要做 93 单带签到奖嘅订单就得，但真系当你跑起身嗰阵你就会发现，好难好难。对于我哋啲兼职型选手嚟讲 ，想要攞满谂都唔敢谂啊。
琴晚皮肤又开始过敏，成身生晒粒仔，食咗两粒过敏药之后鬼死咁眼瞓。原本以为今朝醒翻之后就会好好多，冇谂到到咗今日依然仲系好眼瞓，成个人都攰赖赖咁。呢只过敏药真系劲啊，不过好彩都几有效。
今日中午出去跑咗一个钟，结果系统乱閪咁塞单，搞到我爬咗个七楼，乜心情都冇晒。