Jenny Masto
今日凌晨将老婆嘅昵称换成咗 Jenny Masto，至于点解换成「珍妮·马斯托」呢个昵称？纯粹搞怪，老婆用「参谋长」呢个昵称已经十几年咯，亦都係时候换一个咯。
中午时再次出去跑咗一个钟，跑咗 8 张单，好似好可以噉。但查实单价先得 4 蚊一张，唉，越嚟越难做。
有啲人真係无时无刻都要「装」，装又装得低级过人，真係无语。有时真係好想踢爆佢，但係谂咗一下如果自己同啲噉嘅人较真咪会显得自己好鬼亖蠢？于是无视条閪佬先至係最明智嘅。
琴晚 Apple Music 合租群个群主又发通知，话苹果业务升价，土区嘅 Apple Music 要加价 50%，加价之后一年的价格为 65，言下之意要补差价。冇办法，鬼叫自己已经习惯咗用 Apple Music 嚟听歌。不过查实间我好想试下汽水音乐，毕竟平时刷抖音听到啲自己钟意嘅歌单就可以直接喺汽水音乐度收藏，而家就麻烦啲，要自己慢慢搜。
呢排上班冇乜嘢做，于是就攞咗部迷你小主机返单位，谂住得闲可以玩一下英雄联盟，打发一下时间。点知呢台零刻 GTR7 咁鬼垃圾，玩个英雄居然一直喺度掉显卡。大佬啊，我已经将 LOL 设置成最低，依然係噉。你冇同我讲显卡虚拟内存设置得太低，我 32G 内存，将显卡设置成 16G，依旧掉显卡。查实间我觉得根本原因应该係散热问题。之前头脑发热买个旧噉嘅嘢，讲真，部机买咗成 3 年，真正发挥其价值嘅次数都唔超过 5 次。而且当时买呢部嘢仲要洗咗唔少钱呢，印象中大概用咗四十几张。所以话啊，以后买嘢一定要谂清谂楚，唔可以再冲动消费啦。
当时如果拣咗买笔记本仲冇咁后悔，毕竟笔记本係办公室用起身方便好多，唔似得而家，攞部机出嚟玩下都好似摆阵噉，万一有领导查岗时真係吟诗都吟唔甩。不过当时我嘅考虑係，万一以后呢台机唔用咗，仲可以用嚟当服务器嚟玩，到时仲可以部署个软路由，毕竟有两个 2.5G 嘅网口。就係因为呢啲咁傻閪嘅谂法先导致今时今日咁浪费。
三思而后行。
上班期间同事话想去睇下啲电动车，佢话就话买台畀佢老婆开。但呢个古惑仔讲嘅嘢我就唔多信，我觉得佢查实间就係买嚟自己用嘅。我话我唔想睇，要睇你自己去啊，点知条粉肠好似鬼赵泥噉，真係服颈，自己买车，点解要格硬拉埋我先肯入去睇。