今日午高峰出去跑单时好鬼无奈，啱啱去到商圈，系统就塞咗一张返自己小区嘅单。因为我住嗰个小区离商圈好远，一般情况都挂唔到单，次次都系单飞嘅命。我见到张单我自己一啲都唔想抢，但系系统夹硬塞咗入嚟，等咗好耐都冇再入单，唯有单飞。送完之后我又再翻出去商圈，点知系统又塞咗一单翻小区嘅单过嚟，黐鬼线噶，即系叫我收工啦，好好好，如你所愿，送完收工。
两日都有陪两只化骨龙玩扑克牌，佢哋依家中意玩嗰个「唬牌」，呢个玩法应该係佢哋攞佢阿爷阿嫲部手机刷视频时学识嘅。一直话要同我玩，之后就教我点样玩，讲解啲规则系乜嘢。而家只要一得闲就陪佢哋玩下，毕竟放咗假咁耐都冇带佢哋出去认真玩过。冇办法啦，老婆而家嘅工作真係冇乜假期可言。琴晚同老婆商量咗一下，计划近近哋带佢哋去广州海洋馆耍下。
琴晚落班时攞咗台零刻 GTR7 返屋企研究，睇下有冇办法可以将掉显卡呢个问题搞掂。研究咗成粒钟，发现原来可以将佢个后背板拆咗佢，咁样散热就可以得到保障，掉显卡呢个问题亦都冇再出现。于是乎，我下载咗几个游戏嚟测试，发现虽然显卡占用好高，但勉强都可以运行。但我测试时是有部风扇对着主机吹，而返到单位就冇咁好待遇咯，到时唔知会不会继续掉显卡呢？今晚上班嘅时候测试一下。
我发觉而家上班最开心嘅事就係落雨，不过落还落，千奇冇好似今日呢场雨咁夸张，感觉好似倒水噉。冲好茶之后就开始摆阵，整返场海克斯大乱斗，结果好失望，依然掉驱动，难道冇风扇对住吹真係唔得？
问同事借咗台小风扇，用嚟对住部主机吹，结果依然唔得，真係奇怪。明明喺屋企乜嘢问题都解决咗㗎，喺屋企测试时仲要冇开空调，温度比而家喺办公室测试更加高，但当时都冇出现掉显卡驱动嘅问题。
算咯，唔鬼搞咯，听日攞部 Switch 返嚟。