琴日一直忙，晚黑又同班伙记出咗去聚餐，饮到醉嗮，就冇记录，今日醉醒就一并记录吧。
阿里云上嘅服务器仲有三个月就到期，虽然续费一年先 99，但我都唔谂住续费咯。主要有两个原因，旧博客已经属于归档状态，其次而家都唔折腾咯，托管静态博客根本唔需要云服务器，到时将评论同埋统计一关就搞掂。
由于有咗呢个决定，于是我就开始着手将旧博客托管到免费的 EdgeOne Makers 度，因为 Makers 原生跑在 EdgeOne 全球边缘节点上，比之前仲加省心，再唔洗为咗 WAF、URL 重写、复杂嘅缓存规则烦恼。
收拾房间时发现用来玩游戏嗰个金士顿 HyperX 耳机嘅头梁、耳罩上嘅皮革全掉皮了，甚至发埋霉，之前我就帮呢个耳机换过一次耳罩，头梁当时唔严重，就买咗个套简单处理了。呢次发现头梁上嘅皮革破损好鬼严重，于是决定直接拆鬼咗佢，清洗干净个头梁套之后直接包裹住头梁就搞掂。虽然网上有头梁皮革买，但要焊线，我懒得搞。喺拼多多度买咗个耳罩，等到货装上后就基本复活啦。上一次个耳罩喺淘宝上买嘅，32 蚊一对，重新点进去，价格降咗一半。但我喺拼多多一搜，直接 7.8 搞掂。
晚饭原本谂住简单食完饭就返去上班嘅，点知，结果直接饮开喉，完全刹唔住车。最衰仲要有下半场，好彩自己仲有意识时撤咗，如果唔係仲过命。
可能係琴晚饮咗酒嘅关系，今朝起身时皮肤过敏，有啲恐怖。之前睇中医，医生话我湿，要我叫屋企人煲多啲祛湿茶，老婆呢段时间一得闲就煲，出厅饮咗大大一兜之后，过敏处慢慢就散咗，神奇。
上个月 30 号买嘅茶具收到咗，整体嚟讲「满意」。一分钱一分货，相对于以前喺钟家窑买嘅盖碗要便好多，所以品质有啲差距，但亦都对得起佢嘅价钱，唔错。
琴日买嘅耳机罩亦都到咗，同我之前买嘅 32 蚊一对嘅一模一样，然而价钱只係之前嘅 1/4，买呢啲细商品拼多多的确实惠。可惜琴日忘记咗买耳机嘅麦克风咪套，今日落咗单，两个 2.58，可以接受。
XGPU 过期之后就冇玩过游戏咯，今日耳机整返之后玩咗一下刺客信条，冇计，冇咗 XGPU 之后冇得连机，连暗黑都玩唔到，只能玩下单机游戏。不过都几好，冇得拣反而能静下心玩游戏，之前有 XGPU 时太多游戏可以玩，反而冇一个游戏可以静下心玩通关。