Family Day…
老婆前几日就帮两只化骨龙预约咗医生，弟弟补牙，姐姐检查耳鼻喉。朝早一早就出发，足足搞咗成个上昼，结果弟弟两只牙仲要冇补到，弟弟临阵缩沙，喺度亖哭，丑亖怪。不过最终冇补成嘅原因係因为医生话可以先观察一下，毕竟而家就算补咗，估计都好容易甩。姐姐鼻炎问题比较严重，照咗鼻镜同查埋抽血查过敏源，开咗十日嘅药。
晏昼训咗个靓钟，两只化骨龙就嘈住要出去玩，老婆应承咗佢哋嘅。结果落到楼下就开始落大雨，我就同老婆讲，要不先避下雨吧。结果老婆一句话你先搞掂弟弟啦。服颈！于是我就问弟弟啦，果然弟弟落水仲坚持要去。冇计，唯有出招。陪佢一齐淋雨，淋到佢自己话返唔去。等你扭计？以后唔改，仲有排你叹。
返屋企换过身衣服后发现雨开始慢慢停了，于是重新出发。原本计划先喺大润发嗰间星汇影院睇咗「功夫女足」先嘅，结果出到去时刚好过咗网上订票嘅时间，下一场要等到晚黑八点。于是即时改变计划，先喺大润发呢度逛下，顺便帮姐姐买个背包，弟弟也要买对洞洞鞋。逛到咁常下再食啲嘢，食完就可以过隔离世纪荟购物中心嗰个疯狂牛仔城度玩机动游戏，最后直接喺金逸·华时尚巨幕影城度睇埋「功夫女足」。因为华时尚呢度有一场係 19 点开影，时间亦都啱啱好，睇完返屋企亦都唔会好夜。
